ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ការប្រកួតបច្ចេកវិទ្យាព័ត៌មានសម្រាប់យុវជនមានពិការភាពចាប់ផ្ដើម

  • ចុះផ្សាយថ្ងៃទី០៩ ខែសីហា ឆ្នាំ២០២២ ម៉ោង ១៧:២០ នាទី ដោយ Hun Sirivadh
  • 2081
  Aa |   aA

កូរ៉េ៖ ការប្រកួតបច្ចេកវិទ្យាព័ត៌មានសម្រាប់យុវជនមានពិការភាព Global IT Challenge for Youth with Disabilities វគ្គដំបូងនឹងត្រូវចាប់ផ្ដើមពីថ្ងៃទី១០ រហូតដល់ថ្ងៃទី១១ ខែសីហា ឆ្នាំ២០២២ ដែលមានយុវជនជាជនមានពិការភាព ៣៥០នាក់នឹងត្រូវជ្រើសរើសចេញពីការប្រកួតនេះសម្រាប់ត្រៀមវគ្គផ្ដាច់ព្រ័តដែលនឹងប្រព្រឹតទៅនៅថ្ងៃទី១៥ និង១៦ ខែវិច្ឆិកា ឆ្នាំ២០២២។

ការប្រកួតវគ្គផ្ដាច់ព្រ័ត្រនឹងធ្វើឡើងចេញពីទីក្រុង yeouido ក្នុងសណ្ឋាគារ Glad សាធារណរដ្ឋកូរ៉េ។ ក្នុងឆ្នាំ២០២២ កម្ពុជាបានជ្រើសរើសនិងបញ្ជូនយុវជនមានពិការភាព ៦នាក់ទៅចូលរួមការប្រកួតនេះ។

នាយកប្រតិបត្តិនៃក្រុមហ៊ុន LG Electronics លោក Daesik Yoon បានកត់សម្គាល់ថា ក្នុងពេលដែលជំងឺកូវីដ-១៩ ត្រូវបានមើលឃើញថានឹងប៉ះពាល់យូរអង្វែងដូច្នេះការប្រើប្រាស់បច្ចេកវិទ្យាព័ត៌មានគឺរឹតតែមានសារៈសំខាន់ក្នុងជីវិតភាពរស់នៅរបស់មនុស្សជាតិ។ លោកសង្ឃឹមថាព្រឹត្តិការណ៍នេះនឹងក្លាយជាឱកាសសម្រាប់យុវជនពិការជុំវិញពិភពលោកដើម្បីសម្រេចបាននូវក្តីសុបិន និងចំណង់ចំណូលចិត្តរបស់ពួកគេ។

លោកថា៖ « LG Electronics នឹងបន្តបំពេញនូវទំនួលខុសត្រូវសាជីវកម្មសង្គមរបស់ខ្លួន ដើម្បីអោយយុវជនដែលមានពិការភាពអាចប្រាស្រ័យទាក់ទងជាមួយពិភពលោកដោយស្មើភាព និងងាយស្រួលក្នុងការប្រើប្រាស់ IT »។

ប្រធានគណៈកម្មាធិការរៀបចំ GITC លោក Inkyu Kim បាននិយាយថា ២ឆ្នាំកន្លងមកនេះយុវជនមានពិការភាពបានរងផលប៉ះពាល់ជាច្រើនក្នុងសម័យនៃការឆ្លងរាលដាលនៃជំងឺកូវីដ-១៩ នេះទោះជាយ៉ាងណាលោកសង្ឃឹមថាយុវជនមានពិការភាពនឹងចូលរួមការប្រកួតនេះ។

លោកថា៖ «យើងនឹងផ្តល់ឱ្យអស់ពីសមត្ថភាពរបស់យើងដើម្បីធ្វើការរៀបចំព្រឹត្តិការណ៍ដែលពាក់ព័ន្ធ ធ្វើឱ្យព្រឹត្តិការណ៍របស់យើងអាចក្លាយជាព្រឹត្តិការណ៍ព័ត៌មានវិទ្យា ដែលត្រូវបានអនុម័តដោយសហគមន៍អន្តរជាតិដោយការពង្រឹងស្តង់ដា និងយុត្តិធម៌របស់ខ្លួន ដូចជាវិធីប្រតិបត្តិការ ឬបទប្បញ្ញត្តិប្រតិបត្តិការព្រឹត្តិការណ៍ និងប្រព័ន្ធដាក់ពិន្ទុដោយស្វ័យប្រវត្តិ»។

នៅក្នុងការប្រកួត Global IT Challenge ឆ្នាំ២០២២ មានប្រទេស ១៨ចូលរួម និងកំណត់យកយុវជនមានពិការភាពចាប់ពីអាយុ១៤ឆ្នាំដល់២៣ឆ្នាំ ដែលមានពិការភាពភ្នែក គ-ថ្លង់ ពិការកាយសម្បទា និងពិការសតិបញ្ញា។

រដ្ឋលេខាធិការក្រសួងសង្គមកិច្ច និងជាអគ្គលេខាធិការក្រុមប្រឹក្សាសកម្មភាពជនពិការលោក ឯម ច័ន្ទមករា បានថ្លែងអំណរគុណដល់សាធារណរដ្ឋកូរ៉េ ក្រុមហ៊ុន LG និង លេខាធិការដ្ឋាន GITC ដែលបានរៀបចំកម្មវិធីនេះជារៀងរាល់ឆ្នាំ និងបានជំរុញដល់យុវជនដែលមានពិការភាពទូទាំងពិភពលោកជាពិសេសយុវជនកម្ពុជាបានចូលរួមការប្រកួតឱ្យខិតខំឱ្យអស់ពីសមត្ថភាពដើម្បីទទួលបានជ័យជម្នះ។

លោកថា៖ «ខ្ញុំស្នើឱ្យយុវជនមានពិការភាពទាំងអស់ដែលបានចូលរួមឆ្នាំនេះ ជាពិសេសយុវជនមានពិការភាពពីកម្ពុជាខិតខំប្រឹងប្រែងប្រកួតប្រជែងគ្រប់វិញ្ញាសារដើម្បីទទួលបានមេដាយជាកិត្តយសរបស់ខ្លួននិងប្រទេសជាតិ។ សូមយុវជនមានពិការភាពទាំងអស់ប្រឹងប្រែងឱ្យអស់ពីសមត្ថភាពដើម្បីយកឈ្នះ និងដណ្ដើមជ័យជម្នះសម្រាប់ខ្លួនឯងនិងប្រទេសជាតិ»។

គណៈកម្មាធិការរៀបចំការប្រកួតបានជ្រើសរើសការប្រកួតសរុបចំនួន៦វិញ្ញាសារសម្រាប់ឆ្នាំនេះ រួមទាំងការប្រកួតលក្ខណៈបុគ្គលចំនួន៣ និងការប្រកួតជាក្រុមចំនួន៣ ដែលក្នុងនោះអ្នកចូលរួមអាចចូលរួមទាំងជាបុគ្គលឬជាក្រុម។ ជាពិសេស 'eCreative_IoT Challenge' ត្រូវបានជ្រើសរើសជាការប្រកួតប្រជែងថ្មីមួយដែលឆ្លុះបញ្ចាំងពីនិន្នាការបច្ចេកវិទ្យាចុងក្រោយបំផុត។

ព្រឹត្តិការណ៍នេះត្រូវបានរៀបចំឡើងដោយក្រសួងសុខាភិបាលនិងសុខុមាលភាពនៃសាធារណរដ្ឋកូរ៉េ និងក្រុមហ៊ុន LG និងឧបត្ថម្ភដោយគណៈកម្មាធិការរៀបចំ GITC និងក្រុមហ៊ុន LG Electronics អ្នកតាមដានការប្រកួតអាចតាមដានបានតាមពេលវេលាជាក់ស្តែងនៅលើបណ្ដាញសង្គម YouTube៕


ព័ត៌មានជាច្រើនទៀតសម្រាប់អ្នក